2026 жылғы 6 қаңтарда КММ «№4 орта мектепте» педагогикалық кеңес өтті. Бұл жиын тек қорытынды шығару емес, білім сапасын арттыру, педагогтердің кәсіби өсуі мен білім берудің болашағы туралы мазмұнды әрі ашық пікір алмасу алаңына айналды.
Мектеп директоры Қаратаева С.Б. кіріспе сөз сөйлеп, білім беру ұйымын дамытудың стратегиялық бағыттарын, кәсіби қызметке жауапкершілікпен қараудың маңыздылығын және алға саналы түрде ұмтылудың қажеттігін атап өтті.
Педагогикалық кеңес барысында төмендегі баяндамалар тыңдалды:
Мажитова Д.З. білім алушылардың II тоқсандағы оқу жетістіктеріне талдау жасап, қорытындысын ұсынды.
Айтымова Н.С. бірыңғай «Адал азамат» бағдарламасының жүзеге асырылуы аясында «Құндылықтарды ҚМЖ-ға қалай енгізуге болады» тақырыбында сөз сөйледі.
Мектеп логопеді Малыхина В.С. «Ерекше білім беру қажеттіліктері бар (ЕБҚ) балаларды сүйемелдеудегі мектеп логопедінің рөлі» тақырыбында баяндама жасады.
Педагог-психолог Саржанова Г.Б. «Скулшутинг деген не және «колумбайнерлер» кімдер?» тақырыбында бейнеролик көрсетіп, презентация ұсынды.
Педагогикалық кеңес өз жұмысын аяқтағанымен, даму, сыни ойлау және білім сапасын арттыру мәселелері педагогикалық ұжым жұмысының маңызды бағыты ретінде жалғасын табуда.
Жаңалықтар
